日本可能有好多嘢好！但對打風的安排真係衰到冇朋友！天呀！打風唔係地震，係有得預測㗎！你應該一早做定安排，好似香港咁可以係掛風球前話俾人知，咁咪可以叫人早d返屋企囉！好啦！而家d車停哂，大家trap哂係度好開心咩???
只係由両国回家, 我估平時大約45MIN LA, 今日足足用咗四個鐘先返到屋企! 明明哩個係一個可以避免到的事, 卻搞到咁麻煩!
明知嗰風咁勁, 先唔好講返工, 都叫人唔好返學LA~ 好似而家個風唔係由下面吹黎咁, 係從天而降好似魔術般變出黎! “哎呀~ 唔好意思呀, 咩原來個風咁勁呀! 咩原來係勁到電車係會停駛GA WOR~~~ 一早冇諗過添~~” 而家日本政府就係俾咗哩個感覺我囉!
最慘都唔止咁樣，都係唔知仲返唔返工好！打風的返工制度係冇㗎！我唔係唔想返，係返唔到…… 仲要自己打電話去告假, 好似我唔想返咁樣! 又話一個月唔可以告多過三次假, 都唔知今次計唔計添呀! >,< 勁無良呀~~~
經歷了今次的打風, 我突然好掛住香港呀~~~ > <
同地震時一樣咁多人.. 不過今次明明係可以避免, 但點解要搞成咁呢?